«Барселона» бош мураббийи Хави Европа лигаси финалида «Рома» бош мураббийи Жозе Моуриньо қилган хатти-ҳаракатларга изоҳ берди.

«Моуриньонинг ҳакамларга нисбатан хатти-ҳаракати? Майдонда нима бўлишидан қатъи назар, биз ўз реакциямизни назорат қилишимиз керак», - деди Хави «Сельта»га қарши ўйин олдидан ўтказилган матбуот анжуманида.

«Биз, мураббийлар, ўрнак бўлишимиз керак. Умид қиламанки, мен ҳеч қачон бундай ҳолатга тушмайман», - дея қўшимча қилди «Барса» бош мураббийи.

Чоршанба кунги Европа лигаси финалида «Рома» ва «Севилья» ўртасидаги ўйиндан сўнг Моуриньо бош ҳакам Энтони Тэйлорни автотураргоҳгача кузатиб, инглиз ҳакамини ҳақорат қилди.

Моуриньо ёмон хулқ-атвори учун 10 ўйинга дисквалификация қилиниши мумкин.