Yarim himoyachi Eden Azar Madridning “Real” klubini tark etishi ma’lum bo‘ldi. Tomonlar mehnat shartnomasini muddatidan oldin bekor qilishga kelishib oldilar.
Ijtimoiy tarmoq jurnalisti Fabrisio Romanoning yozishicha, belgiyalik futbolchi munosib variant topa olmasa, futbolchi faoliyatini yakunlash haqida o‘ylamoqda.
Azar "qirollik" klubida 2019 yildan buyon o‘ynab kelmoqda. Belgiyalik futbolchi “Real”ga Londonning “Chelsi” klubidan o‘tgan edi.
Ispaniya chempionatining 2022/2023 yilgi mavsumida 32 yoshli yarim himoyachi bor yo‘g‘i 6 ta o‘yinda maydonga tushib, atigi bitta golli uzatmani amalga oshirgan.
