Ярим ҳимоячи Эден Азар Мадриднинг “Реал” клубини тарк этиши маълум бўлди. Томонлар меҳнат шартномасини муддатидан олдин бекор қилишга келишиб олдилар.
Ижтимоий тармоқ журналисти Фабрицио Романонинг ёзишича, белгиялик футболчи муносиб вариант топа олмаса, футболчи фаолиятини якунлаш ҳақида ўйламоқда.
Азар "қироллик" клубида 2019 йилдан буён ўйнаб келмоқда. Бельгиялик футболчи “Реал”га Лондоннинг “Челси” клубидан ўтган эди.
Испания чемпионатининг 2022/2023 йилги мавсумида 32 ёшли ярим ҳимоячи бор йўғи 6 та ўйинда майдонга тушиб, атиги битта голли узатмани амалга оширган.
