“Inter” yaqinda Fransiyaning “PSJ” klubi safiga qo‘shiladigan himoyachi Milan Shkrinyarga o‘rinbosar qidirmoqda. Slovakiyalik futbolchi erkin agent sifatida Parij grandiga o‘tadi.
Neradzurrilar Shkrinyarning o‘rniga bir nechta futbolchini ko‘rib chiqmoqda. Qisqa ro‘yxatga Benjamin Pavar (“Bavariya”), Nacho (“Real”), Trevo Chaloba (“Chelsi”) va Jorjio Skalvini (“Atalanta”) kiradi.
Italiya chempionatining 2022/2023 yilgi mavsumida himoyachi 21 o‘yin o‘tkazib, uchta sariq kartochka olib, bir marta maydondan chetlatilgan.
