"Real Madrid" hujumchi Eden Azarning ketishi evaziga katta mablag‘ni tejaydi.

Insayder Fabrisio Romanoning so‘zlariga ko‘ra, 32 yoshli belgiyalik futbolchi deyarli 7 million yevrodan bosh tortgan. Bu uning mavsumdagi maoshining bir qismi.

3 iyun kuni "Real" va Azar 2022/23 yilgi mavsum oxirida shartnomani bekor qilish bo‘yicha o‘zaro kelishuvga erishgani ma’lum bo‘ldi.

Umumiy hisobda futbolchi “Real” safida 76 ta o‘yinda maydonga tushib, 7 ta gol urdi va 12 ta golli uzatmani amalga oshirdi.

Azar "Real" bilan birgalikda ikki marta Ispaniya chempioni (2019/20, 2021/2022), Ispaniya kubogi 2022/23 va Ispaniya Superkubogini ikki marta (2019/20, 2021/22) qo‘lga kiritgan. Belgiyalik futbolchi Chempionlar ligasining 2021/22 yilgi mavsumi g‘olibi hisoblanadi.