"Реал Мадрид" ҳужумчи Эден Азарнинг кетиши эвазига катта маблағни тежайди.

Инсайдер Фабрицио Романонинг сўзларига кўра, 32 ёшли белгиялик футболчи деярли 7 миллион евродан бош тортган. Бу унинг мавсумдаги маошининг бир қисми.

3 июн куни "Реал" ва Азар 2022/23 йилги мавсум охирида шартномани бекор қилиш бўйича ўзаро келишувга эришгани маълум бўлди.

Умумий ҳисобда футболчи “Реал” сафида 76 та ўйинда майдонга тушиб, 7 та гол урди ва 12 та голли узатмани амалга оширди.

Азар "Реал" билан биргаликда икки марта Испания чемпиони (2019/20, 2021/2022), Испания кубоги 2022/23 ва Испания Суперкубогини икки марта (2019/20, 2021/22) қўлга киритган. Белгиялик футболчи Чемпионлар лигасининг 2021/22 йилги мавсуми ғолиби ҳисобланади.