Ukraina terma jamoasi darvozaboni Andrey Lunin jamoani tark etishi haqidagi mish-mishlarga qaramay, o‘z faoliyatini "Real Madrid"da davom ettirish niyatida.

Goal.com portali jurnalistlarining qayd etishicha, “qirollik” klubi rahbariyati ham darvozabon bilan hamkorlikni davom ettirishga tayyor.

Andrey madridliklar safiga 2018 yilning yozida kelib qo‘shilgandi. Uning "Real" bilan shartnomasi 2023/2024 yilgi mavsum oxirida yakuniga yetadi.

Lunin o‘tgan mavsumda La Ligada 7 ta o‘yin o‘tkazib, 7 ta gol o‘tkazib yuborgan.