Madridning “Real” klubi himoyachisi Nacho Fernandes jamoasini tark etishga yaqin turibdi, deya xabar beradi insayder Xose Feliks Dias.
Manbaga ko‘ra, ispaniyalik futbolchi klubni tark etishga ko‘proq moyil. "Real Madrid" futbolchini o‘zida saqlab qolmoqchi.
Futbolchi madridliklar tarbiyalanuvchisi bo‘lib, 2012 yildan beri asosiy jamoada o‘ynamoqda.
33 yoshli futbolchi joriy mavsumda jamoa safida 44 ta o‘yinda maydonga tushib, 1 ta gol va 1 ta golli uzatmaga mualliflik qilgan. Futbolchining "Real" bilan shartnomasi shu yozda yakuniga yetadi.