"Chelsi" 21 yoshli Yan Matsen uchun narx belgiladi, deb xabar beradi Evening Standard.
Manbaga ko‘ra, London klubi futbolchini 20 million funt (23 million yevro)ga baholagan. O‘tgan mavsumda himoyachi ijara asosida o‘ynagan "Byornli" futbolchini o‘zida saqlab qolmoqchi. Niderlandiyalik futbolchining shartnomasi tugashiga bir yil qoldi va “Chelsi” uni yana ijaraga berishdan ko‘ra, sotib yubormoqchi.
Joriy mavsumda Matsen “Byornli” safida barcha turnirlar doirasida 42 ta o‘yinda maydonga tushib, 4 ta gol urdi va 6 ta golli uzatmani amalga oshirdi. Transfermarkt portali futbolchining narxini 12 million yevroga baholamoqda.
