"Челси" 21 ёшли Ян Матсен учун нарх белгилади, деб хабар беради Evening Standard.
Манбага кўра, Лондон клуби футболчини 20 миллион фунт (23 миллион евро)га баҳолаган. Ўтган мавсумда ҳимоячи ижара асосида ўйнаган "Бёрнли" футболчини ўзида сақлаб қолмоқчи. Нидерландиялик футболчининг шартномаси тугашига бир йил қолди ва “Челси” уни яна ижарага беришдан кўра, сотиб юбормоқчи.
Жорий мавсумда Матсен “Бёрнли” сафида барча турнирлар доирасида 42 та ўйинда майдонга тушиб, 4 та гол урди ва 6 та голли узатмани амалга оширди. Transfermarkt портали футболчининг нархини 12 миллион еврога баҳоламоқда.