Florian Plettenbergning so‘zlariga ko‘ra, "Real" "Chelsi" yarim himoyachisi Kay Xaversni 50-60 million yevro va bonuslar evaziga sotib olishi mumkin.
"Chelsi"ning bunday taklifni qabul qilishga tayyorligi londonliklar yozgi transfer oynasida o‘yinchilarni sotishdan naqd pul olishlari kerakligi bilan bog‘liq.
Xavers o‘tgan mavsumda "Chelsi" safida 47 ta o‘yinda maydonga tushib, 9 ta gol urdi va 1 ta golli uzatmani amalga oshirdi. Transfermarkt uni 60 million yevroga baholamoqda.