Madridning “Real” klubi safida to‘p surgan dominikanlik hujumchi Mariano Dias xayrlashuv videosini e’lon qildi.

Marianoning aytishicha, u qiyin yo‘lni bosib o‘tgan, lekin otasi uni doimo taslim bo‘lmaslik va orzulari uchun kurashishga ilhomlantirgan. Mariano o‘zining futbol yo‘lida ishtirok etgan barchaga o‘z minnatdorchiligini bildirib, maydonda doim ham yetarlicha daqiqalar olmaganini, ammo jamoa uchun bor kuchini berishga harakat qilganini tan oldi.

“Bu jamoadoshlar va muxlislar bilan o‘ynash men uchun sharaf edi. Men barchadan: ishchilar, xodimlar, fizioterapevtlar, shifokorlar, farroshlar, xavfsizlik xodimlaridan abadiy minnatdorman”, - dedi Mariano.

Mariano 2018 yilda "Real"ga "Lion"dan ko‘chib o‘tgan edi. Madrid klubi tarkibida futbolchi 84 ta o‘yin o‘tkazib, 12 ta gol urgan va 3 ta golga assistentlik qilgan.