Мадриднинг “Реал” клуби сафида тўп сурган доминиканлик ҳужумчи Мариано Диас хайрлашув видеосини эълон қилди.
Марианонинг айтишича, у қийин йўлни босиб ўтган, лекин отаси уни доимо таслим бўлмаслик ва орзулари учун курашишга илҳомлантирган. Мариано ўзининг футбол йўлида иштирок этган барчага ўз миннатдорчилигини билдириб, майдонда доим ҳам етарлича дақиқалар олмаганини, аммо жамоа учун бор кучини беришга ҳаракат қилганини тан олди.
“Бу жамоадошлар ва мухлислар билан ўйнаш мен учун шараф эди. Мен барчадан: ишчилар, ходимлар, физиотерапевтлар, шифокорлар, фаррошлар, хавфсизлик ходимларидан абадий миннатдорман”, - деди Мариано.
Мариано 2018 йилда "Реал"га "Лион"дан кўчиб ўтган эди. Мадрид клуби таркибида футболчи 84 та ўйин ўтказиб, 12 та гол урган ва 3 та голга ассистентлик қилган.
