Ispaniyalik hakam Mateu Laos hakamlik faoliyatini yakunlaganini ma’lum qildi, deb xabar beradi ESPN.
46 yoshli hakam 15 yil davomida Ispaniyaning elita divizionida ishlagan. La Liganing so‘nggi turidan o‘rin olgan “Malyorka” – “Rayo Valyekano” (3:0) o‘yinida har ikki jamoa futbolchilari unga sharaf koridorini tashkil qilib berishdi.
Laos 2018 va 2022 yilgi jahon chempionatlarida ishlagan, shuningdek, 2021 yilgi Chempionlar ligasi finalini boshqargan. So‘nggi jahon chempionatida u uchta o‘yinda, jumladan Argentina va Niderlandiya o‘rtasidagi chorak finalda ishladi.













