Испаниялик ҳакам Матеу Лаос ҳакамлик фаолиятини якунлаганини маълум қилди, деб хабар беради ESPN.
46 ёшли ҳакам 15 йил давомида Испаниянинг элита дивизионида ишлаган. Ла Лиганинг сўнгги туридан ўрин олган “Мальорка” – “Райо Вальекано” (3:0) ўйинида ҳар икки жамоа футболчилари унга шараф коридорини ташкил қилиб беришди.
Лаос 2018 ва 2022 йилги жаҳон чемпионатларида ишлаган, шунингдек, 2021 йилги Чемпионлар лигаси финалини бошқарган. Сўнгги жаҳон чемпионатида у учта ўйинда, жумладан Аргентина ва Нидерландия ўртасидаги чорак финалда ишлади.