"Chelsi" yarim himoyachi Meyson Mauntni sotish bo‘yicha muzokaralarda qat’iy pozisiyani egallamoqda.
Angliyalik futbolchiga faqat 80 million yevro evaziga ketishga ruxsat beriladi. Insayder Fabrisio Romano xabar berganidek, kichikroq miqdor uchun "aristokratlar" rozi bo‘lish niyatida emas.
"Manchester Yunayted" hozirgacha Maunt uchun maksimal 55 million yevro taklif qilgan. "Qizil iblislar" bu borada asosiy da’vogar, ammo "Chelsi" Meysonning shartnomasi bir yil ichida tugashiga qaramay, roppa-rosa 80 million yevro talab qilmoqda.
Maunt o‘tgan mavsumda Premyer-ligada uchta gol urdi va ikkita golli uzatmani amalga oshirdi.
