"Челси" ярим ҳимоячи Мэйсон Маунтни сотиш бўйича музокараларда қатъий позицияни эгалламоқда.
Англиялик футболчига фақат 80 миллион евро эвазига кетишга рухсат берилади. Инсайдер Фабрицио Романо хабар берганидек, кичикроқ миқдор учун "аристократлар" рози бўлиш ниятида эмас.
"Манчестер Юнайтед" ҳозиргача Маунт учун максимал 55 миллион евро таклиф қилган. "Қизил иблислар" бу борада асосий даъвогар, аммо "Челси" Мэйсоннинг шартномаси бир йил ичида тугашига қарамай, роппа-роса 80 миллион евро талаб қилмоқда.
Маунт ўтган мавсумда Премьер-лигада учта гол урди ва иккита голли узатмани амалга оширди.
