N'Golo Kante faoliyatini Saudiya Arabistonida davom ettiruvchi nufuzli futbolchilar qatoriga qo‘shilishi mumkin.

Xabaringiz bor, “Chelsi”ning 32 yoshli yarim himoyachisiga “An-Nasr” va “Al-Ittihod” klublari qiziqish bildirmoqda.

Nufuzli jurnalist Fabrisio Romanoning ijtimoiy tarmoqlarda xabar berishicha, Saudiya Arabistonidan muzokara o‘tkazuvchilar allaqachon Kantega taklif yuborish uchun Londonga kelishgan. Futbolchining maoshi bir mavsum uchun 100 million yevroga yetishi mumkin.

Eslatib o‘tamiz, N'Golo Kantening "Chelsi" bilan amaldagi shartnomasi iyun oyi oxirigacha amal qiladi.

Fransiyalik futbolchi London klubida 2016 yilning yozidan buyon o‘ynab kelmoqda. U "Lester"dan transfer qilingan.