Н'Голо Канте фаолиятини Саудия Арабистонида давом эттирувчи нуфузли футболчилар қаторига қўшилиши мумкин.
Хабарингиз бор, “Челси”нинг 32 ёшли ярим ҳимоячисига “Ан-Наср” ва “Ал-Иттиҳод” клублари қизиқиш билдирмоқда.
Нуфузли журналист Фабрицио Романонинг ижтимоий тармоқларда хабар беришича, Саудия Арабистонидан музокара ўтказувчилар аллақачон Кантега таклиф юбориш учун Лондонга келишган. Футболчининг маоши бир мавсум учун 100 миллион еврога етиши мумкин.
Эслатиб ўтамиз, Н'Голо Кантенинг "Челси" билан амалдаги шартномаси июнь ойи охиригача амал қилади.
Франциялик футболчи Лондон клубида 2016 йилнинг ёзидан буён ўйнаб келмоқда. У "Лестер"дан трансфер қилинган.
