Milanning "Inter" klubi yarim himoyachisi Xakan Chalxano‘g‘li o‘z jamoasida uzoq muddat qolishiga ishontirdi. Eslatib o‘tamiz, turkning amaldagi shartnomasi kelasi yozda yakuniga yetadi.
"Inter"da qolaman va shartnomamni uzaytiraman. Menda jamoadan ketish istagi yo‘q. Men bu yerda juda baxtliman”, - deya Chalxano‘g‘li so‘zlaridan iqtibos keltirgan insayder Fabrisio Romano.
O‘sha Romanoning ta’kidlashicha, Chalxano‘g‘li allaqachon 2027 yilgacha hisoblangan yangi shartnomaga imzo qo‘ygan. "Inter" 11 iyun kuni "Manchester Siti"ga qarshi Chempionlar ligasi finalidan so‘ng uni rasman e’lon qiladi.
