Burak Yilmaz futbolchilik faoliyatini yakunlaganini e’lon qildi.

37 yoshli turkning so‘nggi klubi "Fortuna Sittard" bo‘lib, u o‘tgan yozda ikki yillik shartnoma asosida tekinga jamoaga o‘tgan edi.

Hujumchi Erediviziyaning 26 o‘yinida 9 ta gol urdi va 4 ta golli uzatmani amalga oshirdi.

Avvalroq Yilmaz 2020/21 yilgi mavsumda "Lill" bilan Fransiya chempioniga aylangandi.

Shuningdek, u Xitoyning “Beyjing Guan”, “Beshiktosh”, “Trabzonspor” va “Galatasaroy” klublarida o‘ynagani bilan mashhur. Yilmaz ikki marta Turkiya chempionligini qo‘lga kiritgan.

Terma jamoa safida 77ta o‘yinda maydonga tushgan hujumchi 31ta gol urgan.