"Manchester Siti" yarim himoyachisi Ilkay Gyundogan erkin agentga aylanishga yaqin turibdi. Nemisning “shaharliklar” bilan tuzilgan mehnat shartnomasi shu oy oxirida tugaydi.

Sport.es jurnalistlariga ma’lum bo‘lishicha, 32 yoshli futbolchiga uchta klub qiziqish bildirmoqda. Gap “Barselona”, Londonning “Arsenal”i va Saudiya Arabistoni chempionatining nomi oshkor etilmagan vakili haqida ketmoqda.

Ispanlar Ilkayni uch yilga, “kanonirlar” esa ikki yilga shartnoma imzolashga tayyor. Saudiya klubining shartlari hozircha ma’lum emas.

Gyundogan o‘tgan mavsumda Premyer-ligada 31 o‘yinda maydonga tushib, 8 gol va 4 golga assistentlik qilgan.