"Манчестер Сити" ярим ҳимоячиси Илкай Гюндоган эркин агентга айланишга яқин турибди. Немиснинг “шаҳарликлар” билан тузилган меҳнат шартномаси шу ой охирида тугайди.
Sport.es журналистларига маълум бўлишича, 32 ёшли футболчига учта клуб қизиқиш билдирмоқда. Гап “Барселона”, Лондоннинг “Арсенал”и ва Саудия Арабистони чемпионатининг номи ошкор этилмаган вакили ҳақида кетмоқда.
Испанлар Илкайни уч йилга, “канонирлар” эса икки йилга шартнома имзолашга тайёр. Саудия клубининг шартлари ҳозирча маълум эмас.
Гюндоган ўтган мавсумда Премьер-лигада 31 ўйинда майдонга тушиб, 8 гол ва 4 голга ассистентлик қилган.
