"PSJ" hujumchisi Kilian Mbappe Myonxengladbaxning "Borussiya" klubi hujumchisi Markus Tyuram bilan bir klubda o‘ynashni istamoqda.

L'Equipe xabariga ko‘ra, Mbappe fransiyalik jamoadoshini shu yozda erkin agent sifatida parijliklar safiga qo‘shilishga undamoqda. Parij klubining sport maslahatchisi Luish Kampushning fikricha, 25 yoshli futbolchi jamoadagi "9 lik" roliga juda mos keladi.

Shu bilan birga, Tyuram qaror qabul qilishga shoshilmaydi.

Joriy mavsumda hujumchi "Borussiya" safida barcha turnirlar doirasida 32 ta o‘yinda maydonga tushib, 16 ta gol urdi va 7 ta golli uzatmani amalga oshirdi. Transfermarkt portali hujumchining narxini 32 million yevroga baholamoqda.