"ПСЖ" ҳужумчиси Килиан Мбаппе Мёнхенгладбахнинг "Боруссия" клуби ҳужумчиси Маркус Тюрам билан бир клубда ўйнашни истамоқда.
L'Equipe хабарига кўра, Мбаппе франциялик жамоадошини шу ёзда эркин агент сифатида парижликлар сафига қўшилишга ундамоқда. Париж клубининг спорт маслаҳатчиси Луиш Кампушнинг фикрича, 25 ёшли футболчи жамоадаги "9 лик" ролига жуда мос келади.
Шу билан бирга, Тюрам қарор қабул қилишга шошилмайди.
Жорий мавсумда ҳужумчи "Боруссия" сафида барча турнирлар доирасида 32 та ўйинда майдонга тушиб, 16 та гол урди ва 7 та голли узатмани амалга оширди. Transfermarkt портали ҳужумчининг нархини 32 миллион еврога баҳоламоқда.
