Madridning “Real” klubi “Chelsi” yarim himoyachisi Kay Xaversni yozgi transferlar oynasi uchun mo‘ljallangan maqsadlar ro‘yxatidan olib tashladi.

Marca xabariga ko‘ra, nashr klubdan nemis futbolchisi endi Madridning transfer maqsadi hisoblanmayotgani haqidagi tasdiqni olishga muvaffaq bo‘ldi. Uni qo‘lga kiritish uchun hech qanday harakat qilinmagan. "Tottenxem" futbolchisi Xarri Keyn "Real"ning ayni damda shartnoma imzolashni rejalashtirayotgan yagona hujumkor o‘yinchisi bo‘lib qolmoqda.

Ma’lumotlarga ko‘ra, 23 yoshli Xavers "Chelsi" bilan shartnomasini uzaytirish borasida muzokaralar olib bormoqda.

U o‘tgan mavsumda "Chelsi" safida 47 ta o‘yinda maydonga tushib, 9 ta gol urdi va 1 ta golli uzatmani amalga oshirdi. Transfermarkt Kayni 60 million yevroga baholamoqda.