Мадриднинг “Реал” клуби “Челси” ярим ҳимоячиси Кай Хаверцни ёзги трансферлар ойнаси учун мўлжалланган мақсадлар рўйхатидан олиб ташлади.
Marca хабарига кўра, нашр клубдан немис футболчиси энди Мадриднинг трансфер мақсади ҳисобланмаётгани ҳақидаги тасдиқни олишга муваффақ бўлди. Уни қўлга киритиш учун ҳеч қандай ҳаракат қилинмаган. "Тоттенхэм" футболчиси Харри Кейн "Реал"нинг айни дамда шартнома имзолашни режалаштираётган ягона ҳужумкор ўйинчиси бўлиб қолмоқда.
Маълумотларга кўра, 23 ёшли Хаверц "Челси" билан шартномасини узайтириш борасида музокаралар олиб бормоқда.
У ўтган мавсумда "Челси" сафида 47 та ўйинда майдонга тушиб, 9 та гол урди ва 1 та голли узатмани амалга оширди. Transfermarkt Кайни 60 миллион еврога баҳоламоқда.
