Daily Mail xabariga ko‘ra, "Chelsi" va Dortmundning "Borussiya" klublari himoyachi Maykl Fayega qiziqish bildirmoqda.

Manbaga ko‘ra, klublar Xorvatiyaning "Kustoshiya" jamoasida to‘p tepayotgan 18 yoshli senegallik futbolchida katta imkoniyatlarni ko‘rmoqda. O‘tgan yozda futbolchi "Marsel" va "Reyms" takliflarini rad etgandi.

"Borussiya" futbolchini asosiy tarkibga kiritish imkoniyatini kutmoqda, "Chelsi" esa himoyachi bilan shartnoma imzolasa, uni hamkor klublardan biriga ijaraga berishni rejalashtirmoqda.

Faye 2023 yilning fevralidan buyon "Kustoshiya" safida to‘p tepadi va Xorvatiya chempionatida jamoa uchun 13 ta o‘yinda 1 ta gol urdi.