Daily Mail хабарига кўра, "Челси" ва Дортмунднинг "Боруссия" клублари ҳимоячи Майкл Файега қизиқиш билдирмоқда.
Манбага кўра, клублар Хорватиянинг "Кустошия" жамоасида тўп тепаётган 18 ёшли сенегаллик футболчида катта имкониятларни кўрмоқда. Ўтган ёзда футболчи "Марсель" ва "Реймс" таклифларини рад этганди.
"Боруссия" футболчини асосий таркибга киритиш имкониятини кутмоқда, "Челси" эса ҳимоячи билан шартнома имзоласа, уни ҳамкор клублардан бирига ижарага беришни режалаштирмоқда.
Файе 2023 йилнинг февралидан буён "Кустошия" сафида тўп тепади ва Хорватия чемпионатида жамоа учун 13 та ўйинда 1 та гол урди.
