“Napoli” markaziy himoyachisi Kim Min Chje jamoadoshlari bilan xayrlashdi. Calcio Napoli 24 xabariga ko‘ra, koreyalik futbolchi yozda boshqa ligaga o‘tishi kutilmoqda.
Avvalroq Kim Min Chje yangi jamoaga qo‘shilishdan oldin o‘z vatanida harbiy xizmatni o‘tashi kerakligi xabar qilingandi. Hozirda "Manchester Yunayted" transfer favoriti bo‘lib turibdi, himoyachi Xarri Maguayrning o‘rnini egallaydi. “Qizil iblislar” koreyalik futbolchi uchun “Napoli”ga 60 million yevro to‘lashga tayyor.
Eslatib o‘tamiz, "Napoli"dagi yagona mavsumida Kim Min Chje klubga 33 yil ichida birinchi marta A seriya chempionligini qo‘lga kiritishiga yordam bergandi.
