“Наполи” марказий ҳимоячиси Ким Мин Чжэ жамоадошлари билан хайрлашди. Calcio Napoli 24 хабарига кўра, кореялик футболчи ёзда бошқа лигага ўтиши кутилмоқда.
Аввалроқ Ким Мин Чжэ янги жамоага қўшилишдан олдин ўз ватанида ҳарбий хизматни ўташи кераклиги хабар қилинганди. Ҳозирда "Манчестер Юнайтед" трансфер фаворити бўлиб турибди, ҳимоячи Харри Магуайрнинг ўрнини эгаллайди. “Қизил иблислар” кореялик футболчи учун “Наполи”га 60 миллион евро тўлашга тайёр.
Эслатиб ўтамиз, "Наполи"даги ягона мавсумида Ким Мин Чжэ клубга 33 йил ичида биринчи марта А серия чемпионлигини қўлга киритишига ёрдам берганди.













