"Aston Villa" "Manchester Yunayted" sardori Xarri Maguayrni sotib olishga jiddiy yondashmoqda. Football Insider xabariga ko‘ra, Unai Emeri shogirdlari o‘zining yirik transfer kampaniyasi doirasida shu yozda angliyalik futbolchini sotib olmoqchi.
Maguayrning o‘zi rahbariyatning u bilan xayrlashish istagi tufayli "Manchester Yunayted"ni tark etishga majbur bo‘lishi mumkin. Xarri qolishga qarshi emas, lekin u "Old Trafford"da barqaror o‘yin amaliyotiga ega bo‘lishni istaydi, buni unga kafolatlab bo‘lmaydi.
Eslatib o‘tamiz, Maguayr 2019 yilning yozidan “Lester”dan ko‘chib o‘tganidan beri “Manchester Yunayted”da to‘p tepmoqda. Bu mavsumda u jamoaning asosiy tarkibidagi o‘rnini yo‘qotdi.













