"Астон Вилла" "Манчестер Юнайтед" сардори Харри Магуайрни сотиб олишга жиддий ёндашмоқда. Football Insider хабарига кўра, Унаи Эмери шогирдлари ўзининг йирик трансфер кампанияси доирасида шу ёзда англиялик футболчини сотиб олмоқчи.
Магуайрнинг ўзи раҳбариятнинг у билан хайрлашиш истаги туфайли "Манчестер Юнайтед"ни тарк этишга мажбур бўлиши мумкин. Харри қолишга қарши эмас, лекин у "Олд Траффорд"да барқарор ўйин амалиётига эга бўлишни истайди, буни унга кафолатлаб бўлмайди.
Эслатиб ўтамиз, Магуайр 2019 йилнинг ёзидан “Лестер”дан кўчиб ўтганидан бери “Манчестер Юнайтед”да тўп тепмоқда. Бу мавсумда у жамоанинг асосий таркибидаги ўрнини йўқотди.
