"Manchester Yunayted" hujumchisi Vout Vegxorst yozgi transfer oynasida jamoani tark etadi.
Taniqli insayder Fabrisio Romanoning ta’kidlashicha, Vegxorst "qizil iblislar" bosh murabbiyi Erik ten Xag o‘z rejalariga kiritmagan olti nafar futbolchi ro‘yxatiga kiritilgan. Jurnalistning so‘zlariga ko‘ra, 30 yoshli niderlandiyalik futbolchiga "Everton" da’vogarlik qilmoqda va u o‘tgan mavsumda APLda qolishga muvaffaq bo‘ldi. Bundan tashqari, futbolchining xizmatlariga Ispaniyaning bir qancha jamoalari qiziqish bildirmoqda.
2022/23 yilgi mavsumda Vegxorst barcha musobaqalarda 49 ta uchrashuvda qatnashib, 11 ta gol urdi va 7 ta golli uzatmani amalga oshirdi. Hujumchining bozor narxi 14 million yevroga baholanmoqda.
