"Манчестер Юнайтед" ҳужумчиси Воут Вегхорст ёзги трансфер ойнасида жамоани тарк этади.
Таниқли инсайдер Фабрицио Романонинг таъкидлашича, Вегхорст "қизил иблислар" бош мураббийи Эрик тен Хаг ўз режаларига киритмаган олти нафар футболчи рўйхатига киритилган. Журналистнинг сўзларига кўра, 30 ёшли нидерландиялик футболчига "Эвертон" даъвогарлик қилмоқда ва у ўтган мавсумда АПЛда қолишга муваффақ бўлди. Бундан ташқари, футболчининг хизматларига Испаниянинг бир қанча жамоалари қизиқиш билдирмоқда.
2022/23 йилги мавсумда Вегхорст барча мусобақаларда 49 та учрашувда қатнашиб, 11 та гол урди ва 7 та голли узатмани амалга оширди. Ҳужумчининг бозор нархи 14 миллион еврога баҳоланмоқда.
