Myunxenning “Bavariya” klubi rahbarlari yozgi transferlar oynasi uchun byudjetni shakllantirishdi. Bayern & Germany jurnalistlariga ma’lum bo‘lishicha, Germaniya chempioni yangi o‘yinchilarni sotib olish uchun 150 million yevro sarflashga tayyor.
Avvalroq OAVda nemis grandi markaziy hujumchi pozisiyasini mustahkamlashni rejalashtirayotgani haqida xabarlar tarqalgandi. "Bavariya"ning maqsadi - Turinning "Yuventus" jamoasida Italiya chempionatida to‘p tepayotgan serbiyalik hujumchi Dushan Vlaxovich.
"Bavariya" o‘tgan mavsumda Germaniya chempioni bo‘ldi. Tomas Tuxel shogirdlari faqat so‘nggi turda Dortmundning "Borussiya"sini ortda qoldirishdi.