Kataloniyaning "Barselona" klubi "Nyukasl"dan yarim himoyachi Bruno Gimaraeshni qo‘lga kirita olmaydi. Sport xabariga ko‘ra, "ko‘k-anorranglilar" hech qachon braziliyalik futbolchining transferini jiddiy o‘ylab ko‘rishmagan, chunki ular moliyaviy nuqtai nazardan kelishuvga erisha olmasligini tushunishgan.
Eslatib o‘tamiz, Gimaraesh 2022 yilning yanvarida "Nyukasl"ga ko‘chib o‘tgan va shundan so‘ng jiddiy yutuqlarga erishgan. Braziliyalik futbolchi Angliya Premyer-ligasining so‘nggi mavsumida "Nyukasl"ga Chempionlar Ligasiga yo‘llanma olishda yordam berdi.
25 yoshli Gimaraesh Premyer-liganing so‘nggi mavsumida 4 ta gol va 5 ta golli uzatmani amalga oshirdi.













