Каталониянинг "Барселона" клуби "Ньюкасл"дан ярим ҳимоячи Бруно Гимараэшни қўлга кирита олмайди. Sport хабарига кўра, "кўк-анорранглилар" ҳеч қачон бразилиялик футболчининг трансферини жиддий ўйлаб кўришмаган, чунки улар молиявий нуқтаи назардан келишувга эриша олмаслигини тушунишган.

Эслатиб ўтамиз, Гимараэш 2022 йилнинг январида "Ньюкасл"га кўчиб ўтган ва шундан сўнг жиддий ютуқларга эришган. Бразилиялик футболчи Англия Премьер-лигасининг сўнгги мавсумида "Ньюкасл"га Чемпионлар Лигасига йўлланма олишда ёрдам берди.

25 ёшли Гимараэш Премьер-лиганинг сўнгги мавсумида 4 та гол ва 5 та голли узатмани амалга оширди.