"Barselona" bosh murabbiyi Xavi Ernandes jamoa "Atletiko Paranaense" hujumchisi Vitor Rokening transferidan voz kechishi mumkin bo‘lgan shartlarni aytdi. Eslatib o‘tamiz, braziliyalik futbolchining xizmatlariga Angliya Premyer-ligasi jamoalari ham qiziqish bildirmoqda.
“Biz Vitorni anchadan beri kuzatib kelamiz va hozirgi vaziyatdan xabardormiz. Bitim moliyaviy ahvolga bog‘liq bo‘ladi. Agar bizda yetarlicha pul bo‘lsa, transferni amalga oshirishga harakat qilamiz", - dedi Xavi.
Rokening o‘zi avvalroq kelasi yozda "Barselona"ga o‘tishga tayyorligini bildirgan edi. "Atletiko Paranaense" 18 yoshli hujumchi uchun taxminan 50 million yevro talab qilmoqda.