"Барселона" бош мураббийи Хави Эрнандес жамоа "Атлетико Паранаэнсе" ҳужумчиси Витор Рокенинг трансферидан воз кечиши мумкин бўлган шартларни айтди. Эслатиб ўтамиз, бразилиялик футболчининг хизматларига Англия Премьер-лигаси жамоалари ҳам қизиқиш билдирмоқда.
“Биз Виторни анчадан бери кузатиб келамиз ва ҳозирги вазиятдан хабардормиз. Битим молиявий аҳволга боғлиқ бўлади. Агар бизда етарлича пул бўлса, трансферни амалга оширишга ҳаракат қиламиз", - деди Хави.
Рокенинг ўзи аввалроқ келаси ёзда "Барселона"га ўтишга тайёрлигини билдирган эди. "Атлетико Паранаэнсе" 18 ёшли ҳужумчи учун тахминан 50 миллион евро талаб қилмоқда.