“Chelsi” yarim himoyachisi Mateo Kovachich faoliyatini “Manchester Siti”da davom ettiradi. Tomonlar shartnoma shartlarini kelishib olishdi, bu haqda ijtimoiy tarmoqlarda Fabrisio Romano xabar berdi.

Endilikda “shaharliklar” “aristokratlar” bilan bitim tafsilotlarini kelishib olishlari kerak. Tomonlar Chempionlar ligasi finalidan keyin transfer summasini muhokama qilish niyatida.

Transfermarkt ekspertlarining fikricha, xorvatiyalik yarim himoyachining narxi 40 million yevroni tashkil qiladi.

Mateoning londonliklar bilan shartnomasi 2024 yilning o‘rtalariga qadar mo‘ljallangan. Kovachich joriy mavsumda APLda 27 ta o‘yinda maydonga tushib, 1 ta gol urdi, 2 ta golga assistentlik qildi va 8 ta sariq kartochka oldi.