“Челси” ярим ҳимоячиси Матео Ковачич фаолиятини “Манчестер Сити”да давом эттиради. Томонлар шартнома шартларини келишиб олишди, бу ҳақда ижтимоий тармоқларда Фабрицио Романо хабар берди.

Эндиликда “шаҳарликлар” “аристократлар” билан битим тафсилотларини келишиб олишлари керак. Томонлар Чемпионлар лигаси финалидан кейин трансфер суммасини муҳокама қилиш ниятида.

Transfermarkt экспертларининг фикрича, хорватиялик ярим ҳимоячининг нархи 40 миллион еврони ташкил қилади.

Матеонинг лондонликлар билан шартномаси 2024 йилнинг ўрталарига қадар мўлжалланган. Ковачич жорий мавсумда АПЛда 27 та ўйинда майдонга тушиб, 1 та гол урди, 2 та голга ассистентлик қилди ва 8 та сариқ карточка олди.