O‘zbekiston milliy jamoasi bosh murabbiyi Srechko Katanes CAFA Nation's Cup turniri doirasida bo‘lib o‘tadigan Ummonga qarshi o‘yin oldidan fikrlari bilan o‘rtoqlashdi.
"Musobaqa oldidan bir nechta mashg‘ulotlar o‘tkazdik. Ba’zi futbolchilar hozircha, safimizga kelib qo‘shilgani yo‘q, ammo bu turnirda bor kuchimiz bilan qatnashamiz. Shomurodovning yo‘qligi - jiddiy yo‘qotish. U-20 jahon chempionatida ishtirok etgan bir nechta futbolchilarni jalb qildik, ammo terma jamoa bu boshqa daraja. Ularga albatta maydonda vaqt beramiz. Branko Ivanovich boshchiligidagi Ummon yaxshi shakllangan jamoa. Ular munosib qarshilik ko‘rsatishga qodir. Bu turnirda bizda bosim yo‘q. O‘yinga tayyor bo‘lgan yigitlar maydonga tushadi, ortiqcha muammo bo‘lishi mumkin emas. Har ikki kunda o‘yin o‘tkazishimiz sabab jismoniy tomondan muammoga duch kelamiz. Jamoa ertaga birdamlikda harakat qilishi kerak. Eronning tarkibini ko‘rdim, menimcha, aynan ular turnir favoriti", - dedi Katanes.
