Ўзбекистон миллий жамоаси бош мураббийи Сречко Катанец CAFA Nation's Cup турнири доирасида бўлиб ўтадиган Уммонга қарши ўйин олдидан фикрлари билан ўртоқлашди.
"Мусобақа олдидан бир нечта машғулотлар ўтказдик. Баъзи футболчилар ҳозирча, сафимизга келиб қўшилгани йўқ, аммо бу турнирда бор кучимиз билан қатнашамиз. Шомуродовнинг йўқлиги - жиддий йўқотиш. U-20 жаҳон чемпионатида иштирок этган бир нечта футболчиларни жалб қилдик, аммо терма жамоа бу бошқа даража. Уларга албатта майдонда вақт берамиз. Бранко Иванович бошчилигидаги Уммон яхши шаклланган жамоа. Улар муносиб қаршилик кўрсатишга қодир. Бу турнирда бизда босим йўқ. Ўйинга тайёр бўлган йигитлар майдонга тушади, ортиқча муаммо бўлиши мумкин эмас. Ҳар икки кунда ўйин ўтказишимиз сабаб жисмоний томондан муаммога дуч келамиз. Жамоа эртага бирдамликда ҳаракат қилиши керак. Эроннинг таркибини кўрдим, менимча, айнан улар турнир фаворити", - деди Катанец.
