"Manchester Siti" yarim himoyachisi Ilkay Gyundogan bugun Xosep Gvardiola jamoasini tark etishini e’lon qilishi mumkin. Bu haqda Ispaniyaning Sport nashri xabar bermoqda.
Eslatib o‘tamiz, bugun Gyundogan o‘zining uchinchi Chempionlar ligasi finalida ishtirok etadi. Nemis yarim himoyachisi eng nufuzli yevrokuboklarning oldingi hal qiluvchi o‘yinlarida mag‘lub bo‘lgandi. Istanbuldagi finalda “Manchester Siti” Milanning “Inter”iga qarshi maydonga tushadi. Ushbu o‘yindan so‘ng Gyundogan erkin agent sifatida jamoasidan ketishini e’lon qilishi mumkin.
Ilkayning transferi uchun asosiy favorit hozir "Barselona" bo‘lib turibdi, u nemisga uch yillik shartnoma taklif qilmoqda.