Kingsli Koman tarkibda bormi, demak, milliy ligada chempionlik naqd!

Bu 12 yildan buyon tasdiqlanayotgan dalil. Umuman, fransiyalik vinger faoliyatida 28-sov­rinni qo‘lga kiritdi. 26 yoshiga qadar! Eng kuchli fakt: King­sli faoliyatida hech qachon mavsumni chempionlik unvonisiz tugatmagan, shunchaki, 1-o‘rindan past­da qolish nimaligini bilmaydi.

Komanchempionlik seriyasini «PSJ»da boshladi - 2013 va 2014 yillar Fransiya ligasida zafar quchdi. Xususan, birinchi oltin medal rasmiylashtirilgan mavsum «PSJ» tarixida debyut qilgan eng yosh futbolchi bo‘ldi (ilk marta fevralda maydonga tushganida, 16 yoshu 8 oylik edi). Koman shundan so‘ng «Yuventus»ga o‘tdi va Italiyada ham ketma-ket 2 marta chempionlikka erishdi.

Mana, «Bavariya» safiga qo‘shilganidan buyon ham futbolchining boshi «oltin»dan chiqmayapti. Shu o‘rinda bitta aniqlik: Kingsli mavsum-2015/2016da ham Italiya, ham Germaniyada chempionlik maqomiga erishdi. Chunki mavsumni «A» seriyada boshlagan, keyin transferlar oynasining oxirida Bundesligaga yo‘l olgandi. Xullas, Koman bu yil qatorasiga 12-marta milliy chempionat g‘olibiga aylanib, noyob kolleksiyasiga yana bir sovrin qo‘shdi. Faoliya­ti davomidagi jamoaviy sovrinlari soni esa 28taga yetdi! Diqqat qiling, bu yigit atigi 26 yoshda. Ha, Koman «Hayot bo‘yi g‘olib» iborasining amaldagi ifodasi, shubhasiz.

So‘z

- Chindan ham, mag‘lubiyatga toqat qilolmayman. Ba’zida shunday tuyuladiki, menda mag‘lubiyatdan nafratlanish hissi hattoki, g‘alaba quvonchidan ham kuchliroq. Faqat g‘alaba. Ehtimol, davomiy g‘alabaga ko‘nikishim mumkindir, lekin mag‘lubiyatga emas. Masalan, Germaniya kubogidan chiqib ketganimizda, tun bo‘yi uxlolmadim. Agar sen mag‘lubiyatdan nafratlansang, oldingda bir yo‘l qoladi - har kuni g‘alaba qozonish. Kingsli Koman («Bavariya» yarim himoyachisi).