O‘zbekiston terma jamoasi yarim himoyachisi Jaloliddin Masharipov O‘monga qarshi bo‘lib o‘tgan CAFA Nation's Cup doirasidagi o‘yindan so‘ng matbuot anjumanida ishtirok etib, o‘z fikrlari bilan o‘rtoqlashdi.

"Ummon terma jamoasi futbolchilari ancha texnikasi kuchli ekanligini bilar edik. Jamoadoshlarimga o‘yin tizginini o‘z qo‘limizga olish kerakligini aytdim. Aynan shunday o‘yinlar orqali Osiyo kubogiga tayyorgarlik ko‘rib boramiz.

O‘yin davomida o‘zim yaxshi bilgan narsalarini ko‘rsatishga harakat qilaman. Murabbiyning e’tirozi esa tabiiy holat. Katanes emosional murabbiy. Aytib o‘tganimizdek, Osiyo kubogiga qadar jismoniy tomondan yaxshi rivojlanishga harakat qilamiz.

"An-Nasr"da zaxirada qolib ketayotganim sabablari bor. Vaqti kelib, bularni bilib olasiz. Futbol - mening hayotim. Men o‘ynamagan vaqtimda ham o‘z ustimda ishlashda davom etaman. Maqsadim terma jamoa bilan Jahon chempionatiga chiqish va Osiyo kubogida munosib ishtirok etish", — dedi Masharipov.