Ўзбекистон терма жамоаси ярим ҳимоячиси Жалолиддин Машарипов Ўмонга қарши бўлиб ўтган CAFA Nation's Cup доирасидаги ўйиндан сўнг матбуот анжуманида иштирок этиб, ўз фикрлари билан ўртоқлашди.

"Уммон терма жамоаси футболчилари анча техникаси кучли эканлигини билар эдик. Жамоадошларимга ўйин тизгинини ўз қўлимизга олиш кераклигини айтдим. Айнан шундай ўйинлар орқали Осиё кубогига тайёргарлик кўриб борамиз.

Ўйин давомида ўзим яхши билган нарсаларини кўрсатишга ҳаракат қиламан. Мураббийнинг эътирози эса табиий ҳолат. Катанец эмоционал мураббий. Айтиб ўтганимиздек, Осиё кубогига қадар жисмоний томондан яхши ривожланишга ҳаракат қиламиз.

"Ан-Наср"да захирада қолиб кетаётганим сабаблари бор. Вақти келиб, буларни билиб оласиз. Футбол - менинг ҳаётим. Мен ўйнамаган вақтимда ҳам ўз устимда ишлашда давом этаман. Мақсадим терма жамоа билан Жаҳон чемпионатига чиқиш ва Осиё кубогида муносиб иштирок этиш", — деди Машарипов.