Angliya terma jamoasi bosh murabbiyi Garet Sautgeyt "Manchester Siti"ning "Inter"ga qarshi Chempionlar ligasi finalidagi g‘alabasiga munosabat bildirdi.
Xosep Gvardiola shogirdlari 1:0 hisobida g‘alaba qozonishdi. Yagona gol yarim himoyachi Rodri Ernandes tomonidan kiritildi.
"Manchester Siti" ajoyib mavsumni o‘tkazdi. Ular orzulariga erishdilar, oldin ololmagan kubokni qo‘lga kiritdilar. Men ular uchun juda xursandman. Bu g‘alaba jamoani rivojlanishi uchun muhim. Ajoyib natija", - dedi Sautgeyt Daily Mail bilan suhbatda.
"Manchester Siti" tarixida ilk bor Chempionlar ligasida g‘alaba qozondi. Mavsum yakunida "shaharliklar" treblni qo‘lga kiritishdi.