Sobiq futbolchi Tyerri Anri "Manchester Siti" hujumchisi Erling Xolandga maslahat berdi. Fransiyalik sobiq futbolchining fikricha, 22 yoshli norvegiyalik o‘ng oyog‘ida ishlashi kerak.

"Agar Xoland o‘ng oyog‘ida ishlasa va o‘ng oyog‘i bilan xuddi chap oyog‘idagidek zarba bersa, u haftasiga 100 ta gol urishi mumkin. Efirda aytdim. Menimcha, uning jarima maydonchasida o‘rganadigan hech narsasi yo‘q - u yerda unga teng keladigani yo‘q. Ammo yaxshiroq bo‘lish uchun boshqa narsalar ham bor" - dedi Anri CBS Sports bilan suhbatda.

"Manchester Siti"dagi debyut mavsumida Erling Xoland 53 uchrashuvda 52 ta gol urdi. Norvegiyalik futbolchi 9 ta golli uzatma ham amalga oshirdi.